വെസ്റ്റ് ഹാം യുണൈറ്റഡിന്റെ ഇംഗ്ലീഷ് മധ്യനിര താരം ഡക്ലൻ റൈസ് ക്ലബ് മുന്നോട്ട് വച്ച മൂന്നാം കരാറും നിഷേധിച്ചു. ഒരാഴ്ച 200000 പൗണ്ട് എന്ന വലിയ തുക മുന്നോട്ട് വച്ചിട്ടും ക്ലബും ആയിട്ട് കരാറിൽ ഒപ്പ് വക്കാൻ ഡക്ലൻ റൈസ് തയ്യാറായില്ല. കഴിഞ്ഞ കുറെ സീസണുകളിൽ ആയി വെസ്റ്റ് ഹാമിന്റെ നടും തൂൺ ആണ് റൈസ്.
നിലവിൽ 2024 വരെ ക്ലബും ആയി കരാർ ഉള്ള താരം ആണ് റൈസ്. എങ്കിലും പുതിയ കരാർ ഒപ്പ് വക്കാൻ തയ്യാർ ആവാത്ത താരം ക്ലബ് വിടാൻ തന്നെയാണ് ഒരുങ്ങുന്നത്. താരത്തെ ഒരിക്കലും വിൽക്കില്ല എന്നു പരിശീലകൻ ഡേവിഡ് മോയസ് മുമ്പ് വ്യക്തമാക്കിയിരുന്നു. താരത്തിന് ആയി ചെൽസി, മാഞ്ചസ്റ്റർ യുണൈറ്റഡ് അടക്കം നിരവധി വാക്കിയ ക്ലബുകൾ രംഗത്ത് ഉണ്ട്. അതേസമയം യൂറോപ്പ ലീഗ് ജയിച്ചു ചാമ്പ്യൻസ് ലീഗിലേക്ക് യോഗ്യത നേടിയാൽ താരത്തെ നിലനിർത്താം എന്ന പ്രതീക്ഷയിൽ ആണ് വെസ്റ്റ് ഹാം.
