ഗുജറാത്ത് ടൈറ്റൻസിന്റെ ക്യാപ്റ്റനായി പ്രഖ്യാപിച്ചത് അഭിമാനകരമാണെന്ന് ശുഭ്മാൻ ഗിൽ. ഈ വേഷം ഏറ്റെടുക്കുന്നതിൽ അഭിമാനമുണ്ടെന്നും തന്നിൽ വിശ്വാസമർപ്പിച്ച ഫ്രാഞ്ചൈസിക്ക് നന്ദിയുണ്ടെന്നും ഗിൽ പറഞ്ഞു.
“ഗുജറാത്ത് ടൈറ്റൻസിന്റെ നായകസ്ഥാനം ഏറ്റെടുക്കുന്നതിൽ ഞാൻ അഭിമാനിക്കുന്നു, ഇത്രയും മികച്ച ടീമിനെ നയിക്കാൻ ഫ്രാഞ്ചൈസിക്ക് എന്നിലുള്ള വിശ്വാസത്തിന് എനിക്ക് നന്ദി പറയാനാവില്ല. നമുക്ക് ഇത് അവിസ്മരണീയമാക്കാം! എല്ലാ ആരാധകർക്കും… #AavaDe,” ഗിൽ X-ൽ കുറിച്ചു.
ഹാർദിക് പാണ്ഡ്യ മുംബൈ ഇന്ത്യൻസിലേക്ക് പോയത് കൊണ്ടാണ് ഗിൽ ഇപ്പോൾ ഗുജറാത്തിന്റെ ക്യാപ്റ്റൻ ആയി നിയമിക്കപ്പെട്ടത്. 33 ഇന്നിങ്സുകളിൽ നിന്ന് 47.34 ശരാശരിയിൽ മൂന്ന് സെഞ്ചുറികളും എട്ട് അർധസെഞ്ചുറികളും സഹിതം 1373 റൺസ് ഇതുവരെ ഗുജറാത്ത് ടൈറ്റൻസിനായി നേടിയിട്ടുണ്ട്.
