കൊല്‍ക്കത്തയിലെ പിച്ചിനെ പോലുള്ള പിച്ചുകളില്‍ കളിക്കുവാന്‍ ഏറെ ഇഷ്ടമാണെന്ന് പറഞ്ഞ് ഡല്‍ഹി താരങ്ങള്‍. ശിഖര്‍ ധവാനിനും ഋഷഭ് പന്തിനുമൊപ്പം ക്യാപ്റ്റന്‍ ശ്രേയസ്സ് അയ്യരുമാണ് ഇത്തരത്തില്‍ പരമാര്‍ശം നടത്തിയത്. തങ്ങള്‍ക്ക് ഇത്തരത്തിലുള്ള പിച്ചുകളില്‍ കളിക്കുവാന്‍ ഏറെ ഇഷ്ടമാണെന്നാണ് ശ്രേയസ്സ് അയ്യര്‍ പറഞ്ഞത്. ഡല്‍ഹിയിലെ പിച്ചുകള്‍ ബാറ്റിംഗിനു ദുഷ്കരമെന്ന് വിലയിരുത്തപ്പെടുമ്പോളാണ് ടീമംഗങ്ങളുടെ ഇത്തരത്തിലുള്ള പരാമര്‍ശം.
പിച്ചിനെ പറ്റി വെടിക്കെട്ട് ബാറ്റിംഗ് താരം ഋഷഭ് പന്തും പറഞ്ഞത് ബാറ്റ് ചെയ്യുവാന്‍ ഏറ്റവും മികച്ച പിച്ചെന്നാണ്. അതേ സമയം ശിഖര്‍ ധവാന്‍ പറഞ്ഞത് ഇത്തരം പിച്ചുകള്‍ ബൗളര്‍മാര്‍ക്കും ബാറ്റ്സ്മാന്മാര്‍ക്കും ഒരു പോലെ അവസരം നല്‍കുന്ന പിച്ചാണെന്നാണ്. റണ്‍സ് കണ്ടെത്തുവാന്‍ എളുപ്പമുള്ള പിച്ചാണ് കൊല്‍ക്കത്തയിലേത്, അത് പോലെ തന്നെ ബൗളര്‍മാര്‍ക്കും പിന്തുണയുണ്ട്.
ഡല്‍ഹിയിലെ പിച്ച് ഇതില്‍ നിന്ന് ഏറെ വിഭിന്നമാണ്, അവിടെ കളിക്കുവാന്‍ വേറെ ശൈലിയും സിദ്ധിയും വേണമെന്ന് ശിഖര്‍ ധവാന്‍ വ്യക്തമാക്കി.
