ഇന്ത്യ സിംബാബ്‍വേയിലേക്ക്, മൂന്ന് ഏകദിനങ്ങള്‍ കളിക്കും

ഓഗസ്റ്റിൽ ഇന്ത്യ സിംബാബ്‍വേയിലേക്ക് യാത്രയാകും. മൂന്ന് ഏകദിനങ്ങളിലാണ് ഇരു ടീമുകളും കളിക്കുക. പരമ്പരയുടെ ഔദ്യോഗിക തീയ്യതികള്‍ പുറത്ത് വന്നിട്ടില്ലെങ്കിലും ഓഗസ്റ്റ് 18, 20, 22 തീയ്യതികളിലാവും മത്സരങ്ങള്‍ നടക്കുക.

അടുത്ത ഏകദിന ലോകകപ്പിന്റെ യോഗ്യതയ്ക്കായുള്ള ഐസിസി വൺ-ഡേ സൂപ്പര്‍ ലീഗിന്റെ ഭാഗമായിട്ടാവും ഈ പരമ്പര നടക്കുക. ഇന്ത്യ ലോകകപ്പിലേക്ക് നേരിട്ട് യോഗ്യത ആതിഥേയര്‍ എന്ന നിലയിൽ നേടിയിട്ടുണ്ടെങ്കിലും സിംബാബ്‍വേയ്ക്ക് ഈ പരമ്പര പ്രധാനമാണ്.