15 റണ്‍സിന്റെ നേരിയ ഒന്നാം ഇന്നിംഗ്സ് ലീഡ് നേടി ഇന്ത്യ, ട്രാവിസ് ഹെഡ് 72 റണ്‍സ് നേടി പുറത്തായി

- Advertisement -

ഓസ്ട്രേലിയയെ 235 റണ്‍സിനു ഓള്‍ഔട്ട് ആക്കിയ ഇന്ത്യയ്ക്ക് 15 റണ്‍സിന്റെ ഒന്നാം ഇന്നിംഗ്സ് ലീഡ്. ട്രാവിസ് ഹെഡിന്റെ 72 റണ്‍സിന്റെ ബലത്തിലാണ് ഓസ്ട്രേലിയ 235 റണ്‍സിലേക്ക് എത്തിയത്. 24 റണ്‍സുമായി നഥാന്‍ ലയണ്‍ പുറത്താകാതെ ഏറെ നിര്‍ണ്ണായകായ ഇന്നിംഗ്സ് പുറത്തെടുത്തു. തലേ ദിവസത്തെ സ്കോറായ 191/7 എന്ന നിലയില്‍ ബാറ്റിംഗ് ആരംഭിച്ച ഓസ്ട്രേലിയ മൂന്നാം ദിവസം 44 റണ്‍സ് കൂടി നേടി. മൂന്നാം ദിവസത്തെ ആദ്യ സെഷന്‍ തുടങ്ങാന്‍ തന്നെ മഴ മൂലം 45 മിനുട്ടുകളോളം വൈകിയിരുന്നു.

ഹെഡിനെയും ജോഷ് ഹാസല്‍വുഡിനെയും പുറത്താക്കി മുഹമ്മദി ഷമിയാണ് ഇന്ത്യയ്ക്ക് മേല്‍ക്കൈ നല്‍കിയത്. സ്റ്റാര്‍ക്കിന്റെ വിക്കറ്റ് ബുംറ നേടി. ഇന്നിംഗ്സില്‍ ബുംറയും രവിചന്ദ്രന്‍ അശ്വിനും മൂന്ന് വിക്കറ്റ് നേടിയപ്പോള്‍ ഇഷാന്ത് ശര്‍മ്മ, മുഹമ്മദ് ഷമി, എന്നിവര്‍ രണ്ട് വിക്കറ്റ് നേടി.

Advertisement