സൗത്താംപ്ടണിൽ ഇന്ത്യയ്ക്ക് ബാറ്റിംഗ് തകര്‍ച്ച. 146/3 എന്ന നിലയിൽ മൂന്നാം ദിവസം ബാറ്റിംഗ് പുനരാരംഭിച്ച ഇന്ത്യ 79 ഓവറുകള്‍ പിന്നിടുമ്പോള്‍ 182/6 എന്ന നിലയിലാണ്. വിരാട് കോഹ്‍ലിയെ(44) ആണ് ഇന്ത്യയ്ക്ക് ആദ്യം നഷ്ടമായത്.
അധികം വൈകാതെ ഋഷഭ് പന്തും വിക്കറ്റ് വലിച്ചെറിഞ്ഞപ്പോള്‍ ഇന്ത്യ 156/5 എന്ന നിലയിലേക്ക് വീണു. ഇരുവരെയും കൈൽ ജാമിസൺ ആണ് പുറത്താക്കിയത്. അജിങ്ക്യ രഹാനെയും രവീന്ദ്ര ജഡേജയും ചേര്‍ന്ന് 26 റൺസ് ആറാം വിക്കറ്റിൽ നേടിയെങ്കിലും 49 റൺസ് നേടിയ രഹാനെയെ വീഴ്ത്തി നീൽ വാഗ്നര്‍ ഇന്ത്യയെ പ്രതിരോധത്തിലാക്കി.
