ദക്ഷിണാഫ്രിക്കൻ പരമ്പര ഇതുവരെ ഉപേക്ഷിച്ചിട്ടില്ലെന്ന് ബി.സി.സി.ഐ

India

ഇന്ത്യൻ ക്രിക്കറ്റ് ടീമിന്റെ ദക്ഷിണാഫ്രിക്കൻ പരമ്പര ഇതുവരെ ഉപേക്ഷിച്ചിട്ടില്ലെന്ന് അറിയിച്ച് ബി.സി.സി.ഐ. ദക്ഷിണാഫ്രിക്കയിൽ കോവിഡിന്റെ പുതിയ വകബേധം കണ്ടതിനെ തുടർന്നാണ് പരമ്പര അനിശ്ചിതത്തിലായത്. എന്നാൽ ഇതുവരെ പരമ്പര ഉപേക്ഷിച്ചിട്ടില്ലെന്നും എന്നാൽ താരങ്ങളുടെ സുരക്ഷയാണ് പ്രധാനമെന്നും ബി.സി.സി.ഐ ട്രെഷറർ അരുൺ ധുമാൽ വ്യക്തമാക്കി.

നിലവിൽ ദക്ഷിണാഫ്രിക്കൻ ക്രിക്കറ്റ് ബോർഡുമായി ബി.സി.സി.ഐ നിരന്തരം ബന്ധപെടുന്നുണ്ടെന്നും എന്നാൽ പരമ്പരയുടെ കാര്യത്തിൽ ഇന്ത്യൻ ഗവണ്മെന്റിന്റെ തീരുമാനം ആണ് അന്തിമമെന്നും അരുൺ ധുമാൽ പറഞ്ഞു. ന്യൂസിലാൻഡിനെതിരായ ടെസ്റ്റ് പരമ്പരക്ക് ശേഷം ദക്ഷിണാഫ്രിക്കയിൽ പര്യടനം നടത്താനാണ് ഇന്ത്യയുടെ പദ്ധതി. ദക്ഷിണാഫ്രിക്കയിൽ ഇന്ത്യ 3 ടെസ്റ്റ് മത്സരങ്ങളും 3 ഏകദിന മത്സരങ്ങളും 4 ടി20 മത്സരങ്ങളുമാണ് കളിക്കുക. ഡിസംബർ 17ന് ആരംഭിക്കുന്ന പരമ്പര ജനുവരി 26ന് അവസാനിക്കും.

Previous article“മെസ്സി ബാലൺ ഡി ഓർ പുരസ്‌കാരം അർഹിക്കുന്നില്ല, മെസ്സിയെക്കാൾ മികച്ചവൻ റൊണാൾഡോ”
Next articleആഴ്‌സണലിനെതിരെയും മാഞ്ചസ്റ്റർ യുണൈറ്റഡിനെ കാരിക്ക് പരിശീലിപ്പിക്കും