അവസാന ഓവറുകളില്‍ റണ്‍സ് വന്നില്ല, ക്യാച്ചുകള്‍ കൈവിട്ടതും തിരിച്ചടിയായി

വിന്‍ഡീസിനെതിരെയുള്ള തോല്‍വിയുടെ കാരണങ്ങളായി അവസാന ഓവറുകളിലെ ബാറ്റിംഗിനെയും ക്യാച്ചുകള്‍ നഷ്ടപ്പെടുത്തിയതിനെയും സൂചിപ്പിച്ച് വിരാട് കോഹ്‍ലി. ശിവം ഡുബേ മികച്ച ഇന്നിംഗ്സാണ് കാഴ്ച വെച്ചതെങ്കിലും അവസാന നാലോവറില്‍ ബാറ്റിംഗ് വേണ്ടത്ര ശോഭിച്ചില്ലെെന്ന് കോഹ്‍ലി പറഞ്ഞു.

അവസാന നാലോവറില്‍ ടീമുകള്‍ പൊതുവേ 40-45 റണ്‍സാണ് പ്രതീക്ഷിക്കുന്നതെന്നും വെറും 30 റണ്‍സ് അല്ലെന്നും പറഞ്ഞു. എന്നാല്‍ തങ്ങളിന്ന് ഫീല്‍ഡ് ചെയ്തത് പോലെയാണെങ്കില്‍ ഇന്ന് നേടിയ ഭേദപ്പെട്ട സ്കോറും തടുക്കാന്‍ ടീമിനാവില്ലെന്ന് കോഹ്‍ലി വ്യക്തമാക്കി.

ക്യാച്ചുകള്‍ വൈകിട്ടാല്‍ മത്സരവും കൈവിടുമെന്ന് പറഞ്ഞ കോഹ്‍ലി തന്റെ ടീം ഫീല്‍ഡിംഗില്‍ കുറച്ച് കൂടെ ധീരന്മാരാവണമെന്ന് ആവശ്യപ്പെട്ടു.

മത്സരത്തില്‍ കോഹ്‍ലി മികച്ചൊരു ക്യാച്ച് പൂര്‍ത്തിയാക്കിയെങ്കിലും ഋഷഭ് പന്തും വാഷിംഗ്ടണ്‍ സുന്ദറും ക്യാച്ചുകള്‍ കൈവിടുകയായിരുന്നു.

Loading...