മികച്ച തുടക്കം നൽകി ഓപ്പണര്‍മാര്‍, ആ തുടക്കം മുതലാക്കാനാകാതെ ഇന്ത്യ നേടിയത് 179 റൺസ്

Ruturajishan

10 ഓവറിൽ 97/1 എന്ന നിലയിൽ നിന്ന് 179 റൺസിൽ അവസാനിച്ച് ഇന്ത്യയുടെ ഇന്നിംഗ്സ്. 35 പന്തിൽ 57 റൺസ് നേടിയ റുതുരാജ് ഗായക്വാഡും 35 പന്തിൽ 54 റൺസ് നേടി ഇഷാന്‍ കിഷനും നേടിയ നൽകിയ മികച്ച തുടക്കത്തിന് ശേഷം ഇന്ത്യയ്ക്ക് തുടരെ വിക്കറ്റുകള്‍ വീഴുകയായിരുന്നു.

കിഷനും ഗായക്വാഡും ചേര്‍ന്ന് 97 റൺസാണ് ഒന്നാം വിക്കറ്റിൽ നേടിയത്. റുതുരാജിനെ പുറത്താക്കി കേശവ് മഹാരാജ് ആണ് ആദ്യ ബ്രേക്ക്ത്രൂ നൽകിയത്. ശ്രേയസ്സ് അയ്യര്‍(14), ഇഷാന്‍ കിഷന്‍, ഋഷഭ് പന്ത് എന്നിവര്‍ അടുത്തടുത്ത ഓവറുകളിൽ പുറത്തായത് ഇന്ത്യയുടെ താളം തെറ്റിച്ചു.

ഹാര്‍ദ്ദിക് പാണ്ഡ്യ 21 പന്തിൽ നേടിയ 31 റൺസാണ് ഇന്ത്യയെ 179 റൺസിലേക്ക് എത്തുവാന്‍ സഹായിച്ചത്. ദക്ഷിണാഫ്രിക്കയ്ക്കായി ഡ്വെയിന്‍ പ്രിട്ടോറിയസ് 2 വിക്കറ്റ് നേടി.

Previous articleസഹൽ ആദ്യ ഇലവനിൽ, ഹോങ്കോങിന് എതിരായ മത്സരത്തിനായുള്ള ഇന്ത്യൻ ടീം പ്രഖ്യാപിച്ചു,
Next articleനേടിയത് 125 റൺസെങ്കിലും ജയം അഫ്ഗാനിസ്ഥാന് തന്നെ