ഇന്ത്യയ്‌ക്കെതിരായ വരാനിരിക്കുന്ന മൂന്ന് മത്സരങ്ങളുടെ ഏകദിന പരമ്പരയ്ക്കുള്ള ബംഗ്ലാദേശ് ടീമിനെ ലിറ്റൺ ദാസ് നയിക്കും. തമീം ഇഖ്ബാലിന് സന്നാഹ മത്സരത്തിനിടെ പരിക്കേറ്റതിനാൽ ആണ് ലിറ്റൺ ദാസ് ഈ ചുമതല ഏൽക്കിന്നത്‌. രണ്ടാഴ്ചത്തെ വിശ്രമം വേണ്ട തമീം ഏകദിന പരമ്പരയിൽ കളിക്കില്ല.
ടീമിലെ പരിചയസമ്പന്നരായ കളിക്കാരിൽ ഒരാളാണ് ലിറ്റൺ, നേതൃത്വഗുണങ്ങൾ മുമ്പ് പ്രകടമാക്കിയിട്ടുണ്ട്. ക്യാപ്റ്റൻ ആയി ലിറ്റണെ നിയമിച്ച ശേഷം ബിസിബിയുടെ ക്രിക്കറ്റ് ഓപ്പറേഷൻസ് ചെയർമാൻ ജലാൽ യൂനുസ് പറഞ്ഞു.
വളരെ പ്രധാനപ്പെട്ട ഈ പരമ്പരയിൽ പരിക്കേറ്റ് തമീമിനെ നഷ്ടമാകുന്നത് ദൗർഭാഗ്യകരമാണ്, പ്രത്യേകിച്ചും അദ്ദേഹത്തിന്റെ ക്യാപ്റ്റൻസിക്ക് കീഴിൽ ടീം കഴിഞ്ഞ രണ്ട് വർഷങ്ങളിൽ മികച്ച ക്രിക്കറ്റ് കളിച്ചിട്ടുണ്ട്,അദ്ദേഹം കൂട്ടിച്ചേർത്തു.
2021 ഏപ്രിലിൽ ഓക്ക്‌ലൻഡിലെ ഈഡൻ പാർക്കിൽ ന്യൂസിലൻഡിനെതിരായ ടി20യിൽ ലിറ്റൺ ഒരു തവണ ബംഗ്ലാദേശിന്റെ ക്യാപ്റ്റൻ ആയിട്ടുണ്ട്.
