അടുത്ത 5-6 വർഷങ്ങളിൽ ഇന്ത്യ ഒരുപാട് കിരീടങ്ങൾ നേടും എന്ന് ദ്രാവിഡ്

വരും വർഷങ്ങളിൽ ഇന്ത്യ നിരവധി ട്രോഫികൾ നേടുന്നതിന് ഇന്ത്യൻ ഹെഡ് കോച്ച് രാഹുൽ ദ്രാവിഡ്. ഇന്നലെ ഇന്ത്യ ടി20 ലോക കിരീടം നേടിയ ശേഷം സംസാരിക്കുക ആയിരുന്നു ദ്രാവിഡ്. ഇന്നലെ ലോക കിരീടം നേടിയതോടെ ദ്രാവിഡ് ഹെഡ് കോച്ച് സ്ഥാനം ഒഴിഞ്ഞിരുന്നു.

“ഇന്ത്യൻ ക്രിക്കറ്റ് ടീമിൽ മികച്ച പ്രതിഭകളുണ്ട്. അവരുടെ ഊർജവും ആത്മവിശ്വാസവും ഈ സമയത്ത് മറ്റൊരു തലത്തിലാണ്. വരും കാലങ്ങളിൽ, അടുത്ത 5-6 വർഷത്തിനുള്ളിൽ ഇന്ത്യ നിരവധി ട്രോഫികൾ നേടും.” ദ്രാവിഡ് പറഞ്ഞു.

“2 വർഷത്തെ യാത്രയായിരുന്നു ഇത്. ഈ ടീമി!, ഞങ്ങൾ ആഗ്രഹിച്ച തരത്തിലുള്ള കഴിവുകളും, ഞങ്ങൾ ആഗ്രഹിച്ച കളിക്കാരും ഉണ്ട്.” മത്സരത്തിന് ശേഷം ദ്രാവിഡ് പറഞ്ഞു.

“ഒരു കളിക്കാരനെന്ന നിലയിൽ, ഒരു ട്രോഫി നേടാനുള്ള ഭാഗ്യം എനിക്കില്ലായിരുന്നു, പക്ഷേ എൻ്റെ ഏറ്റവും മികച്ചത് ഞാൻ നൽകി … ഒരു ടീമിനെ പരിശീലിപ്പിക്കാൻ അവസരം ലഭിച്ചതിൽ എനിക്ക് ഭാഗ്യമുണ്ട്. ഈ ട്രോഫി നേടാൻ കഴിഞ്ഞു. ഇതൊരു മഹത്തായ വികാരമാണ്,” ദ്രാവിഡ് കൂട്ടിച്ചേർത്തു.