Local Sports News in Malayalam

ഇന്ത്യയ്ക്കെതിരെയുള്ള ടി20 പരമ്പര ലോകകപ്പിനുള്ള മുന്നൊരുക്കങ്ങള്‍ക്ക് ഉപകരിക്കും – സാം കറന്‍

ഇന്ത്യയും ഇംഗ്ലണ്ടും തമ്മില്‍ അഹമ്മദാബാദില്‍ നടക്കുന്ന ടി20 പരമ്പര ലോകകപ്പിനുള്ള മുന്നൊരുക്കമാണെന്ന് പറഞ്ഞ് സാം കറന്‍. ഇത് ലോകകപ്പ് വര്‍ഷമാണ്, ഒക്ടോബറില്‍ ലോകകപ്പ് എത്തുന്നതിന് മുമ്പ് എല്ലാ ടീമുകളും തങ്ങളുടെ കോമ്പിനേഷനുകള്‍ പരീക്ഷിക്കുവാനുള്ള അവസരമായി ഇനിയുള്ള മത്സരങ്ങള്‍ പരിഗണിക്കുമെന്നും ഇംഗ്ലണ്ടിന് ഇന്ത്യയ്ക്കെതിരെയുല്ള പരമ്പര ലോകകപ്പിനുള്ള തയ്യാറെടുപ്പാണെന്നും സാം കറന്‍ സൂചിപ്പിച്ചു.

ടെസ്റ്റ് പരമ്പരയില്‍ ഇംഗ്ലണ്ടിന് കനത്ത തോല്‍വിയാണ് ഏറ്റു വാങ്ങേണ്ടി വന്നതെങ്കിലും ടെസ്റ്റുകള്‍ കളിച്ച വളരെ കുറച്ച് താരങ്ങളെ ടി20യില്‍ കളിക്കുന്നുള്ളു എന്നതിനാല്‍ തന്നെ ഈ തോല്‍വികള്‍ ഇംഗ്ലണ്ട് ടി20 ടീമിനെ അലട്ടില്ലെന്ന് സാം കറന്‍ വ്യക്തമാക്കി.

താരങ്ങള്‍ പ്രൊഫഷണലുകളാണെന്നും ഈ തിരിച്ചടിയെ മറന്ന് മുന്നോട്ട് പോകുവാന്‍ അവര്‍ക്ക് വേഗത്തില്‍ കഴിയുമെന്നും സാം കറന്‍ സൂചിപ്പിച്ചു. ശക്തരായ ഇന്ത്യയ്ക്കെതിരെ കളിക്കുവാനാകുന്ന സന്തോഷത്തിലാണ് താനെന്നും ഇംഗ്ലണ്ടിന്റെ യുവ ഓള്‍റൗണ്ടര്‍ അഭിപ്രായപ്പെട്ടു.

You might also like