പാക്കിസ്ഥാന്‍ ഏഷ്യ കപ്പ് സ്ക്വാഡിനു മുമ്പുള്ള യോ-യോ ടെസ്റ്റ് പരീക്ഷണത്തില്‍ പരാജയപ്പെട്ട് ഇമാദ് വസീം. സെപ്റ്റംബര്‍ 16നു ദുബായിയില്‍ പാക്കിസ്ഥാന്‍ ആദ്യ മത്സരത്തിനിറങ്ങുമെങ്കിലും ഇതുവരെ ടൂര്‍ണ്ണമെന്റിലേക്കുള്ള ടീമിനെ പ്രഖ്യാപിച്ചിട്ടില്ല. അതിനിടെയാണ് പാക്കിസ്ഥാന്‍ ഓള്‍റൗണ്ടര്‍ യോ-യോ ടെസ്റ്റില്‍ പരാജയപ്പെട്ടുവെന്ന വാര്‍ത്ത പുറത്ത് വരുന്നത്.
0.2 എന്ന നേരിയ വ്യത്യാസത്തിലാണ് ഇമാദ് വസീം പരാജയപ്പെട്ടത്. 17.4 എന്ന ഉയര്‍ന്ന സ്കോറാണ് പാക്കിസ്ഥാന്‍ ബോര്‍ഡ് യോ-യോ ടെസ്റ്റില്‍ വിജയിക്കുന്നതിനായി ക്രമീകരിച്ചിട്ടുള്ളത്. ലാഹോറില്‍ നടന്ന ഫിറ്റ്നെസ് ക്യാമ്പില്‍ 18 താരങ്ങള്‍ പങ്കെടുത്തതില്‍ 17 പേരും ഫിറ്റ്നെസ് പരീക്ഷ പാസായിട്ടുണ്ട്. നാളെത്തന്നെ ഇമാദ് വസീമിനു ഒരു അവസരം കൂടി ലഭിക്കുമെന്ന് പാക്കിസ്ഥാന്‍ ബോര്‍ഡ് അറിയിച്ചിട്ടുണ്ട്.
