ന്യൂസിലാണ്ടിന് ആദ്യ ബൗളിംഗെങ്കിൽ ഇന്ത്യയുടെ കാര്യം കഷ്ടത്തിൽ – ഷെയിന്‍ ബോണ്ട്

Trentboultnz

സൗത്താംപ്ടണിലെ ലോക ടെസ്റ്റ് ചാമ്പ്യന്‍ഷിപ്പ് ഫൈനലിൽ ടോസ് ന്യൂസിലാണ്ടിന് നേടാനായാൽ ഇന്ത്യ ഭയപ്പെടേണമെന്ന് പറ‍ഞ്ഞ് മുന്‍ ന്യൂസിലാണ്ട് താരം ഷെയിന്‍ ബോണ്ട്. ഇന്ത്യയ്ക്കെതിരെ ആദ്യം ബൗളിംഗ് തിര‍ഞ്ഞെടുത്താൽ ന്യൂസിലാണ്ട് അവരെ കുറഞ്ഞ സ്കോറിംഗിന് പുറത്താക്കുമെന്നാണ് ബോണ്ട് പറയുന്നത്. ന്യൂ ബോളിൽ കീവീസ് പേസര്‍മാര്‍ക്ക് മുന്നിൽ ഇന്ത്യന്‍ താരങ്ങള്‍ക്ക് പിടിച്ച് നില്‍ക്കാനാകില്ലെന്നാണ് ബോണ്ട് പറഞ്ഞത്.

അ‍ഞ്ച് പേസര്‍മാരുമായിട്ടായിരിക്കും ന്യൂസിലാണ്ട് മത്സരത്തിനിറങ്ങുകയെന്നാണ് താന്‍ കരുതുന്നതെന്ന് ബോണ്ട് പറഞ്ഞു. അതേ സമയം ഇന്ത്യയാകട്ടെ മൂന്ന് പേസര്‍മാരും രണ്ട് സ്പിന്നര്‍മാരെയും ആയിരിക്കും കളിപ്പിക്കുകയെന്ന് ബോണ്ട് അഭിപ്രായപ്പെട്ടു. ന്യൂസിലാണ്ട് മത്സരം വിജയിക്കുമെന്നാണ് കരുതുന്നതെന്നും ടോസ് നേടി ബൗളിംഗ് തിരഞ്ഞെടുത്താൽ അത് തീര്‍ച്ചയായും എളുപ്പത്തിൽ സംഭവിക്കുമെന്നും ആദ്യ ഇന്നിംഗ്സിൽ തകരുന്ന ഇന്ത്യയ്ക്ക് പിന്നെ മത്സരത്തിൽ യാതൊരു തരത്തിലും പ്രതീക്ഷയുണ്ടാകില്ലെന്നും ബോണ്ട് സൂചിപ്പിച്ചു.

ഇംഗ്ലണ്ടിനെതിരെ 1-0 ന്റെ പരമ്പര വിജയവുമായാണ് ന്യൂസിലാണ്ട് എത്തുന്നതെങ്കിൽ ഇന്‍ട്ര സ്ക്വാഡ് മത്സരങ്ങള്‍ മാത്രമാണ് ഇന്ത്യയ്ക്ക് പരിശീലനമായി ലഭിച്ചിട്ടുള്ളത്.

Previous articleഡെക്കാന്‍ ചാര്‍ജേഴ്സിനെതിരെയുള്ള കേസിൽ ബിസിസിഐയ്ക്ക് അനുകൂലമായ വിധി
Next articleആൻഫീൽഡ് വിപുലീകരിക്കാനൊരുങ്ങി ലിവർപൂൾ