ഐ സി സി റാങ്കിംഗിൽ മുന്നോട്ട് കുതിച്ച് സ്മൃതിയും ദീപ്തിയും, ഒന്നാം റാങ്കിന് തൊട്ടടുത്ത്

Picsart 22 10 18 13 54 02 485

ഐ സി സി വനിതാ ടി20 റാങ്കിംഗിൽ ഇന്ത്യൻ വനിതാ താരങ്ങൾ മുന്നോട്ട്. ബാറ്റിംഗ് റാങ്കിംഗിൽ സ്മൃതി മന്ദാന രണ്ടാം സ്ഥാനത്തേക്ക് എത്തി. ഏഷ്യ കപ്പിൽ നടത്തിയ മികച്ച പ്രകടനമാണ് സ്മൃതിക്ക് തുണയായത്. ഓസ്‌ട്രേലിയയുടെ ഓപ്പണർ ബെത്ത് മൂണി (743) മാത്രമാണ് സ്മൃതുക്ക് മുന്നിൽ ഇനി ഉള്ളത്. ആകെ 730 റേറ്റിംഗ് പോയിന്റുകൾ ആണ് സ്മൃതിക്ക് പുതിയ റാങ്കിംഗിൽ ഉള്ളത്.

Smritimandhana സ്മൃതി

ബൗളിംഗിൽ ദീപ്തി ശർമ്മയും മുന്നോട്ട് വന്ന് രണ്ടാം സ്ഥാനത്ത് എത്തി. ഏഷ്യ കപ്പ 13 വിക്കറ്റുകൾ ദീപ്തി നേടിയിരുന്നു. ദീപ്തിക്ക് 742 റേറ്റിംഗ് പോയിന്റുണ്ട്. സാറ ഗ്ലെനിനെ (737) ആണ് ദീപ്തി മറികടന്നത്. ഇംഗ്ലണ്ട് താരവും സ്പിന്നറുമായ സോഫി എക്ലെസ്റ്റോൺ (756) ആണ് ഇനി ദീപ്തിക്ക് മുന്നിൽ ഉള്ളത്.