2024 ഫെബ്രുവരിയിലെ ഐസിസി പ്ലെയർ ഓഫ് ദി മന്ത് അവാർഡ് ഇന്ത്യൻ യുവ ബാറ്റർ യശസ്വി ജയ്സ്വാൾ സ്വന്തമാക്കി. ഇംഗ്ലണ്ടിനെതിരായ മിന്നുന്ന പ്രകടനത്തിനാണ് ഇന്ത്യയുടെ യുവ ബാറ്ററെ ഐ സി സി പുരസ്കാരത്തിന് അർഹനാക്കിയത്.
ന്യൂസിലൻഡ് സ്റ്റാർ ബാറ്റർ കെയ്ൻ വില്യംസൺ, ശ്രീലങ്കൻ ഓപ്പണർ പാത്തും നിസ്സാങ്ക എന്നിവരെ മറികടന്നാണ് ജയ്സ്വാൾ പുരസ്കാരത്തിൽ എത്തിയത്. ഇംഗ്ലണ്ടിനെതിരായ പരമ്പരയിൽ 9 ഇന്നിംഗ്‌സുകളിൽ നിന്നായി 700ൽ അധികം റൺസ് നേടാൻ ജയ്സ്വാളിനായിരുന്നു. 2 ഇരട്ട സെഞ്ച്വറികളും ജയ്സ്വാൾ ഈ പരമ്പരയിൽ നേടി. ഫെബ്രുവരിയിൽ ജയ്സ്വാൾ 112 ശരാശരിയിൽ 560 റൺസ് നേടി. ഇതിൽ 20 സിക്‌സറുകൾ ഉൾപ്പെടുന്നു.
