അയര്‍ലണ്ടിനിത് ചരിത്ര നിമിഷം, സന്തോഷം പങ്കുവെച്ച് ക്യാപ്റ്റന്‍ ആന്‍ഡ്രൂ ബാല്‍ബിര്‍ണേ

Sports Correspondent

Download the Fanport app now!
Appstore Badge
Google Play Badge 1

ദക്ഷിണാഫ്രിക്കയെ തങ്ങളുടെ ക്രിക്കറ്റ് ചരിത്രത്തിൽ ആദ്യമായി ഏകദിനത്തിൽ പരാജയപ്പെടുത്തിയ അയര്‍ലണ്ടിന്റെ ചരിത്ര നിമിഷമായിരുന്നു കഴിഞ്ഞ ദിവസമെന്ന് പറഞ്ഞ് ക്യാപ്റ്റന്‍ ആന്‍ഡ്രൂ ബാല്‍ബിര്‍ണേ. താരം നേടിയ 102 റൺസിന്റെയൊപ്പം ഹാരി ടെക്ടര്‍ – ജോര്‍ജ്ജ് ഡോക്രെൽ എന്നിവരുടെ മിന്നും പ്രകടനം കൂടി വന്നപ്പോള്‍ 290 റൺസ് നേടിയ അയര്‍ലണ്ട് എതിരാളികളെ 247 റൺസിന് ഓള്‍ഔട്ട് ആക്കി ചരിത്രം കുറിയ്ക്കുകയായിരുന്നു.

Ireland

ഈ വിജയം ടീം ഏറെ അര്‍ഹിച്ചതാണെന്നും അയര്‍ലണ്ടിന്റെ ഡെത്ത് ബൗളിംഗും മധ്യ ഓവറുകളും മികച്ചതായിരുന്നുവെന്ന് ആന്‍ഡ്രൂ ബാല്‍ബിര്‍ണേ വ്യക്തമാക്കി. ഈ വിജയം നമ്മള്‍ ഏറെ കാലം ഓര്‍ത്ത് വയ്ക്കുമെന്നും അയര്‍ലണ്ട് നായകന്‍ കൂട്ടിചേര്‍ത്തു.

ഹാരി ടെക്ടര്‍ ബാറ്റ് ചെയ്ത രീതി മാച്ച് വിന്നിംഗ് ആയിരുന്നുവെന്നും ബാല്‍ബിര്‍ണേ വ്യക്തമാക്കി.