ഇന്ത്യയ്‌ക്കെതിരായ വരാനിരിക്കുന്ന ലോക ടെസ്റ്റ് ചാമ്പ്യൻഷിപ്പ് ഫൈനലിൽ ജോഷ് ഹേസിൽവുഡ് കളിക്കും. താരം ഫിറ്റ്നസ് വീണ്ടെടുത്തതായി ഓസ്ട്രേലിയ അറിയിച്ചു. ഇംഗ്ലണ്ടിനെതിരായ ആഷസ് സീരീസിനും പേസ് ബൗളർ ഉണ്ടാകും. ലോക ടെസ്റ്റ് ചാമ്പ്യൻഷിപ്പ് ഫൈനൽ ജൂൺ 7-11 വരെ ലണ്ടനിലെ ഓവലിൽ ആണ് നടക്കുന്നത്.
ജൂൺ 16 മുതൽ ജൂലൈ 31 വരെയാണ് ആഷസ് ടെസ്റ്റ് പരമ്പര. 32കാരനായ ഹേസിൽവുഡ് പരിക്ക് കാരണം ഐ പി എല്ലിന് ഇടയിൽ ഓസ്‌ട്രേലിയയിലേക്ക് മടങ്ങിയിരുന്നു. മെയ് 9ന് ആണ് അവസാനം അദ്ദേഹം റോയൽ ചലഞ്ചേഴ്‌സ് ബാംഗ്ലൂരിനായി കളിച്ചത്. ഈ സീസൺ ഐ പി എല്ലിൽ ആകെ മൂന്ന് മത്സരങ്ങൾ ആണ് താരം കളിച്ചത്. ആകെ ഒമ്പത് ഓവറുകൾ ആണ് എറിഞ്ഞത്‌
