ന്യൂസിലാണ്ടിനെ എറിഞ്ഞിട്ട് ഒന്നാം ഇന്നിംഗ്സ് ലീഡ് നേടി ദക്ഷിണാഫ്രിക്ക, ശതകം നേടി കോളിൻ ഡി ഗ്രാൻഡോം

ക്രൈസ്റ്റ്ചര്‍ച്ചിലെ ആദ്യ മത്സരത്തിലെ ദുരന്ത സ്മരണകള്‍ പിന്നിലാക്കി രണ്ടാം ടെസ്റ്റിൽ ന്യൂസിലാണ്ടിനെതിരെ 71 റൺസ് ഒന്നാം ഇന്നിംഗ്സ് ലീഡ് നേടി ദക്ഷിണാഫ്രിക്ക. ന്യൂസിലാണ്ടിനെ 293 റൺസിന് ഓള്‍ഔട്ട് ആക്കിയാണ് ഈ നേട്ടം ടീം സ്വന്തമാക്കിയത്.

Rabada

ഡാരിൽ മിച്ചൽ – കോളിൻ ഡി ഗ്രാൻഡോം കൂട്ടുകെട്ട് നേടിയ 133 റൺസ് ആറാം വിക്കറ്റ് കൂട്ടുകെട്ടാണ് ന്യൂസിലാണ്ടിന്റെ സ്കോറിന് മാന്യത പകര്‍ന്നത്. മിച്ചൽ 60 റൺസ് നേടി പുറത്തായപ്പോള്‍ 120 റൺസുമായി കോളിൻ ഡി ഗ്രാൻഡോം പുറത്താകാതെ നിന്നു.

ദക്ഷിണാഫ്രിക്കയ്ക്കായി റബാഡ അഞ്ചും മാര്‍ക്കോ ജാന്‍സന്‍ നാലും വിക്കറ്റാണ് നേടിയത്.