2023 ജനുവരിയിൽ ശുഭ്മാൻ ഗില്ലിന്റെ അസാധാരണമായ ഫോമിന് അന്താരാഷ്ട്ര ക്രിക്കറ്റ് കൗൺസിലിന്റെ അംഗീകാരം. ഐസിസിയുയ്യെ ജനുവരി മാസത്തെ മികച്ച പുരുഷ കളിക്കാരനെന്ന പുരസ്കാരം ഗിൽ നേടി. 23 കാരനായ ഇന്ത്യൻ ഓപ്പണർ ഈ കഴിഞ്ഞ മാസം വൈറ്റ് ബോൾ ക്രിക്കറ്റിൽ 3 തവണ സെഞ്ച്വറി നേടിയിരുന്നു. ആകെ 567 റൺസ് നേടി.
ജനുവരിയിൽ ന്യൂസിലൻഡിനെതിരെ ഹൈദരാബാദിൽ നടന്ന ആദ്യ ഏകദിനത്തിലാണ് ഗില്ലിന്റെ ഏറ്റവും മികച്ച പ്രകടനം കണ്ടത്. അന്ന് 149 പന്തിൽ 28 ബൗണ്ടറികളോടെ പുറത്താകാതെ 208 റൺസ് അടിച്ചുകൂട്ടിയ അദ്ദേഹം ഏകദിന ഫോർമാറ്റിൽ ഡബിൾ സെഞ്ച്വറി നേടുന്ന ഏറ്റവും പ്രായം കുറഞ്ഞ കളിക്കാരനായി മാറിയിരുന്നു.
