പരിക്ക് മാറി മുഴുവന്‍ താരങ്ങളും ദക്ഷിണാഫ്രിക്കന്‍ ടീമിലെത്തിയാല്‍ ഇന്ത്യയ്ക്ക് വെല്ലുവിളിയുയര്‍ത്തുവാന്‍ പറ്റുന്ന തരത്തിലുള്ള ടീമാണ് ദക്ഷിണാഫ്രിക്കയെന്ന് അഭിപ്രായപ്പെട്ട് ലുംഗിസാനി ഗിഡി. ഇന്ത്യ ദക്ഷിണാഫ്രിക്കയില്‍ എത്തിയപ്പോള്‍ 5-1ന്റെ വിജയം ടീമിനു നേടുവാന്‍ സാധിച്ചുവെങ്കിലും അന്ന് പല താരങ്ങളും കളിയ്ക്കുവാനില്ലായിരുന്നുവെന്നതാണ് തോല്‍വിയുടെ കാരണമായി ഗിഡി പറയുന്നത്.
ഇന്ത്യ മികച്ച ടീം തന്നെയാണ് എന്നാല്‍ ടീം ദക്ഷിണാഫ്രിക്കയില്‍ മികവ് പുലര്‍ത്തിയപ്പോള്‍ ഞങ്ങളുടെ പല പ്രധാന താരങ്ങളുമുണ്ടായിരുന്നില്ല. അത് വലിയരു ഘടകമായിരുന്നു. ഈ താരങ്ങളെല്ലാം തിരികെ എത്തുമ്പോള്‍ ടീമുകള്‍ ഒപ്പത്തിനപ്പമായിരിക്കുമെന്നും ഗിഡി പറഞ്ഞു. ലോകകപ്പില്‍ ഇന്ത്യയെയും ഇംഗ്ലണ്ടിനെയും പരാജയപ്പെടുത്തുകയാണ് ഏറ്റവും വലിയ കാര്യമെന്നും ലുംഗിസാനി ഗിഡി കൂട്ടിചേര്‍ത്തു.
