വെസ്റ്റിന്‍ഡീസിനെതിരെയുള്ള മാഞ്ചസ്റ്ററിലെ മൂന്നാം ടെസ്റ്റില്‍ കൂറ്റന്‍ ലീഡ് നേടി ഇംഗ്ലണ്ട്. മൂന്നാം ദിവസം കളി അവസാനിക്കുമ്പോള്‍ ഇംഗ്ലണ്ട് 226 റണ്‍സ് നേടിയ തങ്ങളുടെ രണ്ടാം ഇന്നിംഗ്സ് ഡിക്ലയര്‍ ചെയ്യുകയാണ്. 56 റണ്‍സ് നേടിയ ഡൊമിനിക് സിബ്ലേയെ ടീമിന് നഷ്ടമായെങ്കിലും രണ്ടാം വിക്കറ്റില്‍ ജോ ബേണ്‍സിന് കൂട്ടായി എത്തിയ ജോ റൂട്ടും റണ്‍സ് കണ്ടെത്തുവാന്‍ തുടങ്ങിയതോടെ ഇംഗ്ലണ്ട് പടുകൂറ്റന്‍ ലീഡിലേക്ക് ഉയരുകയായിരുന്നു.
90 റണ്‍സ് നേടിയ റോറി ബേണ്‍സിന്റെ വിക്കറ്റ് നഷ്ടമായതോടെയാണ് ഇംഗ്ലണ്ട് തങ്ങളുടെ ഡിക്ലറേഷന്‍ നടത്തിയത്. 398 റണ്‍സ് ലീഡ് നേടിയ ഇംഗ്ലണ്ട് വിന്‍ഡീസിന് മുന്നില്‍ 399 റണ്‍സിന്റെ വിജയ ലക്ഷ്യമാണ് നല്‍കിയത്. ജോ റൂട്ട് 68 റണ്‍സുമായി പുറത്താകാതെ നിന്നു.
