സൗത്താംപ്ടണിലെ മൂന്നാം ടെസ്റ്റിന്റെ രണ്ടാം ദിവസം ചായയ്ക്കായി ടീമുകള്‍ പിരിയുമ്പോള്‍ ഇംഗ്ലണ്ട് പടുകൂറ്റന്‍ സ്കോറിലേക്ക്. 490/5 എന്ന നിലയിലാണ് ഇംഗ്ലണ്ട് ടീ ബ്രേക്കിന് പോകുമ്പോള്‍. അഞ്ചാം വിക്കറ്റിലെ മാരത്തണ്‍ കൂട്ടുകെട്ടിന് ശേഷം സാക്ക് ക്രോളി-ജോസ് ബട്‍ലര്‍ കൂട്ടുകെട്ടിനെ പാക്കിസ്ഥാന്‍ വേര്‍പിരിച്ചുവെങ്കിലും മത്സരം ഏകദേശം പാക്കിസ്ഥാന്റെ കൈയ്യില്‍ നിന്ന് വഴുതി.
267 റണ്‍സ് നേടിയ സാക്ക് ക്രോളിയെ അസാദ് ഷഫീക്കിന്റെ പന്തില്‍ മുഹമ്മദ് റിസ്വാന്‍ സ്റ്റംപ് ചെയ്തുവെങ്കിലും അഞ്ചാം വിക്കറ്റില്‍ 359 റണ്‍സ് ബട്‍ലറുമായി താരം നേടിയിരുന്നു. ജോസ് ബട്‍ലര്‍ 140 റണ്‍സ് നേടി ക്രീസില്‍ നില്‍ക്കുകയാണ്. ഇംഗ്ലണ്ട് ഇനി എത്ര നേരം ബാറ്റ് ചെയ്യുമെന്നതാണ് ഏവരും കാത്തിരിക്കുന്നത്.
