primus mobile
primus mobile

അയര്‍ലണ്ടിനെതിരെയുള്ള ഇംഗ്ലണ്ട് ഇലവന്‍ ഇങ്ങനെ, ജേസണ്‍ റോയിയ്ക്കും ഒല്ലി സ്റ്റോണും അരങ്ങേറ്റം

അയര്‍ലണ്ടിനെതിരെയുള്ള ഇംഗ്ലണ്ടിന്റെ ഏക ടെസ്റ്റിനുള്ള ഇലവന്‍ പ്രഖ്യാപിച്ച് ലോകകപ്പ് ചാമ്പ്യന്മാര്‍. ജേസണ്‍ റോയിയും ഒല്ലി സ്റ്റോണും തങ്ങളുടെ അരങ്ങേറ്റം നടത്തുമെന്ന് ഇംഗ്ലണ്ട് നായകന്‍ ജോ റൂട്ട് വ്യക്തമാക്കി. കഴിഞ്ഞ വര്‍ഷം ഇംഗ്ലണ്ടിനായി ശ്രീലങ്കയില്‍ ഏകദിന അരങ്ങേറ്റം നടത്തിയ താരമാണ് ഒല്ലി സ്റ്റോണ്‍. ഇംഗ്ലണ്ട് നിരയിലെ ഏറ്റവും പേസുള്ള ബൗളര്‍മാരില്‍ ഒരാളായാണ് താരത്തെ വിലയിരുത്തുന്നത്. ഇംഗ്ലണ്ട് ടെസ്റ്റ് സ്ക്വാഡില്‍ താരം ഇതിനു മുമ്പും അംഗമായിട്ടുണ്ടെങ്കിലും ഇതുവരെ അവസരം താരത്തിന് ലഭിച്ചില്ല.

ജെയിംസ് ആന്‍ഡേഴ്സണ്‍ പരിക്കേറ്റ് പുറത്തായതോടെ ഇംഗ്ലണ്ടിന്റെ പതിമൂന്നംഗ സ്ക്വാഡില്‍ നിന്ന് ഒരാളുടെ സേവനം കൂടി നഷ്ടമാകുകയായിരുന്നു. ലൂയിസ് ഗ്രിഗറിയാണ് ടീമിന് പുറത്ത് പോകുന്ന മറ്റൊരു താരം.

ഇംഗ്ലണ്ട്: ജേസണ്‍ റോയ്, റോറി ബേണ്‍സ്, ജോ ഡെന്‍ലി, ജോ റൂട്ട്, ജോണി ബൈര്‍സ്റ്റോ, മോയിന്‍ അലി, ക്രിസ് വോക്സ്, സാം കറന്‍, സ്റ്റുവര്‍ട് ബ്രോഡ്, ജാക്ക് ലീഷ്, ഒല്ലി സ്റ്റോണ്‍