കരീബിയന്‍ പ്രീമിയര്‍ ലീഗില്‍ സെയിന്റ് കിറ്റ്സ് ആന്‍ഡ് നെവിസ് പാട്രിയറ്റ്സിന് വേണ്ടി കളിക്കുന്ന മുഹമ്മദ് ഹഫീസ് സെയിന്റ് ലൂസിയയുടെ സൂര്യാസ്തമയത്തിന്റെയും സ്വിമ്മിംഗ് പൂളിലെ ഫോട്ടോയും ഇട്ടപ്പോള്‍ അതേറ്റ് പിടിച്ച് ട്വിറ്റര്‍ ഉപയോക്താക്കള്‍. ഹഫീസിന്റെ ഷര്‍ട്ടിടാത്ത ഫോട്ടോയെയാണ് ആളുകള്‍ കമന്റുകളിലൂടെ ട്രോളുന്നത്. ഷര്‍ട്ടിടാതെ വിരാട് കോഹ്‍ലിയെ അനുകരിക്കുകയാണ് താരമെന്നും അങ്ങനെ ചെയ്യുന്നതിന് പകരം കളത്തിലിറങ്ങി കളിച്ചാണ് കോഹ്‍ലിയെ അനുകരിക്കേണ്ടതെന്നാണ് ട്രോളുകള്‍.
Sunset view in Beautiful St Lucia 😍 pic.twitter.com/5zECepAoJd
— Mohammad Hafeez (@MHafeez22) September 21, 2019
പാവപ്പെട്ടവരുടെ വിരാട് കോഹ്‍ലിയെന്ന തരത്തിലുള്ള ഒട്ടനവധി മറുപടികളാണ് താരത്തിന് ലഭിച്ചുകൊണ്ടിരിക്കുന്നത്. ഇതു വരെ കരിബീയന്‍ പ്രീമിയര്‍ ലീഗില്‍ ആറ് മത്സരങ്ങള്‍ കളിച്ച താരത്തിന്റെ ഉയര്‍ന്ന സ്കോര്‍ 37 റണ്‍സാണ്. ഇതുവരെ തന്റെ മികവാര്‍ന്ന പ്രകടനം പുറത്തെടുക്കുവാന്‍ താരത്തിന് സാധിച്ചിട്ടില്ല.
