മാത്യൂസും ചന്ദിമലും മികച്ച താരങ്ങള്‍ പക്ഷേ വിന്‍ഡീസ് ലക്ഷ്യം വയ്ക്കേണ്ടത് കരുണാരത്നേയെ

Dimuthkarunaratne

തന്റെ അഭിപ്രായത്തിൽ ദിമുത് കരുണാരത്നേയെ വേഗത്തിൽ പുറത്താക്കിയാൽ ശ്രീലങ്കന്‍ ബാറ്റിംഗ് അത്ര ശക്തമല്ലെന്ന് പറഞ്ഞ് വിന്‍ഡീസ് താരം എന്‍ക്രുമ ബോണ്ണര്‍. ആഞ്ചലോ മാത്യൂസും ദിനേശ് ചന്ദിമലും മികച്ച താരങ്ങളാണെങ്കിലും ഇപ്പോള്‍ വിന്‍ഡീസിന് പ്രശ്നം സൃഷ്ടിക്കുന്നത് ദിമുത് കരുണാരത്നേ ആണെന്നും താരത്തെ പുറത്താക്കിയാൽ വിന്‍ഡീസിന് മത്സരത്തിൽ മികവ് കാട്ടാനാകുമെന്നും ബോണ്ണര്‍ പറഞ്ഞു.

വിന്‍ഡീസിന്റെ ശ്രീലങ്കയ്ക്കെതിരെയുള്ള രണ്ടാം ടെസ്റ്റിന് മുന്നോടിയായി സംസാരിക്കുകയായിരുന്നു താരം. കരുണാരത്നേയെ പുറത്താക്കിയാൽ ടീമിന് രണ്ടാം ടെസ്റ്റിൽ വിജയം സാധ്യമാണെന്നാണ് താന്‍ കരുതുന്നതെന്നും ബോണ്ണര്‍ കൂട്ടിചേര്‍ത്തു.

ആദ്യ ടെസ്റ്റിൽ വെസ്റ്റിന്‍ഡീസിനായി അര്‍ദ്ധ ശതകം നേടിയ രണ്ട് താരങ്ങളിൽ ഒരാള്‍ ബോണ്ണറായിരുന്നു. ശ്രീലങ്കയ്ക്കായി ദിമുത് കരുണാരത്നേ ആദ്യ ഇന്നിംഗ്സിൽ 147 റൺസും രണ്ടാം ഇന്നിംഗ്സിൽ 83 റൺസുമാണ് നേടിയത്.

എന്നാൽ താരത്തിന്റെ ക്യാച്ച് 14 ൽ വെച്ച് വെസ്റ്റിന്‍ഡീസ് കൈവിട്ടിരുന്നു. അത്തരം പിഴവുകള്‍ ഒഴിവാക്കണമെന്നാണ് ബോണ്ണര്‍ അഭിപ്രായപ്പെട്ടത്.

Previous articleചാമ്പ്യന്മാരെ വലിച്ചുകീറി ഹൈദരബാദ് വിളയാട്ട്!!
Next articleയുവന്റസിനു വീണ്ടും തോൽവി, ജയവുമായി അറ്റലാന്റ