ധാക്കയില്‍ 231 റണ്‍സ് വിജയ ലക്ഷ്യം പിന്തുടര്‍ന്നിറങ്ങിയ 25 ഓവറില്‍ ബംഗ്ലാദേശ് 90/3 എന്ന നിലയില്‍. തമീം ഇക്ബാല്‍ 46 പന്തില്‍ നിന്ന് 50 റണ്‍സ് നേടിയാണ് ബംഗ്ലാദേശിനെ മുന്നോട്ട് നയിച്ചത്. സൗമ്യ സര്‍ക്കാര്‍(13) , നജ്മുള്‍ ഹൊസൈന്‍ ഷാന്റോ(11) എന്നിവരുടെ വിക്കറ്റുകളും ബംഗ്ലാദേശിന് നഷ്ടമായി.
ക്രെയിഗ് ബ്രാത്‍വൈറ്റിന് രണ്ട് വിക്കറ്റുകള്‍ ലഭിച്ചു. ഇതില്‍ തമീം ഇക്ബാലിന്റെ വിക്കറ്റും ഉള്‍പ്പെടുന്നു. റഖീം കോര്‍ണ്‍വാളിനും ഒരു വിക്കറ്റ് ലഭിച്ചു. മത്സരത്തില്‍ നാല് സെഷനുകള്‍ ആണ് ഇനി ബാക്കിയുള്ളത്. 7 വിക്കറ്റ് കൈവശമുള്ള ബംഗ്ലാദേശ് 141 റണ്‍സാണ് ഇനി വിജയത്തിനായി നേടേണ്ടത്.
59 റണ്‍സ് ഒന്നാം വിക്കറ്റില്‍ നേടിയ ശേഷമാണ് ബംഗ്ലാദേശിന് തുടരെ മൂന്ന് വിക്കറ്റുകള്‍ നഷ്ടമായത്.
