ശ്രീലങ്കയ്ക്കെതിരെ തങ്ങളുടെ ഒന്നാം ഇന്നിംഗ്സ് ബാറ്റിംഗിനിറങ്ങിയ ബംഗ്ലാദേശിന് നാല് വിക്കറ്റ് നഷ്ടം. ശ്രീലങ്ക 493/7 എന്ന നിലയില്‍ ഇന്നിംഗ്സ് ഡിക്ലയര്‍ ചെയ്ത ശേഷം ബാറ്റിംഗിനിറങ്ങിയ ബംഗ്ലാദേശിന് ഓപ്പണര്‍മാര്‍ മികച്ച തുടക്കമാണ് നല്‍കിയതെങ്കിലും ആദ്യ സെഷനില്‍ തന്നെ ടീമിന് രണ്ട് വിക്കറ്റ് നഷ്ടമായി.
92 റണ്‍സ് നേടിയ തമീമിന്റെയും 40 റണ്‍സ് നേടിയ മുഷ്ഫിക്കുറിന്റെയും വിക്കറ്റ് ജയവിക്രമ നേടിയപ്പോള്‍ അരങ്ങേറ്റക്കാരന്‍ താരത്തിന് മുന്നില്‍ ബംഗ്ലാദേശ് പതറുകയായിരുന്നു
47 റണ്‍സുമായി ക്യാപ്റ്റന്‍ മോമിനുള്‍ ഹക്കാണ് ബംഗ്ലാദേശിനായി ക്രീസിലുള്ളത്. രണ്ടാം സെഷന്‍ അവസാനിക്കുമ്പോള്‍ ബംഗ്ലാദേശ് 214/4 എന്ന നിലയില്‍ ആണ്. 279 റണ്‍സ് പിന്നിലാണ് ബംഗ്ലാദേശ് ഇപ്പോളും സ്ഥിതി ചെയ്യുന്നത്.
