സംഘാടകരുടെ ഉറപ്പ്, കരീബിയന്‍ പ്രീമിയര്‍ ലീഗ് കളിക്കാന്‍ സമ്മതിച്ച് മിച്ചല്‍ സാന്റനര്‍

- Advertisement -

ഇത്തവണ കരീബിയന്‍ പ്രീമിയര്‍ ലീഗില്‍ താന്‍ ഇല്ലെന്ന് ആദ്യം മിച്ചല്‍ സാന്റനര്‍ വെളിപ്പെടുത്തിയെങ്കിലും പിന്നീട് സംഘാടകരുടെ ഉറപ്പിന്മേല്‍ താന്‍ ടൂര്‍ണ്ണമെന്റിന്റെ ഭാഗമാകുമെന്ന് ന്യൂസിലാണ്ട് താരം ഉറപ്പ് നല്‍കുകയായിരുന്നു. ബാര്‍ബഡോസ് ട്രിഡന്റ്സിന് വേണ്ടി കളിച്ച ശേഷം താരം ഐപിഎലിനായി യുണൈറ്റഡ് അറബ് എമിറേറ്റ്സിലേക്ക് യാത്രയാകുമെന്നാണ് അറിയുന്നത്.

കോവിഡ് കാരണം അന്താരാഷ്ട്ര ക്രിക്കറ്റ് നിലയ്ക്കുന്നതിന് തൊട്ട് മുമ്പുള്ള ഏകദിനത്തില്‍ ഓസ്ട്രേലിയയെ നേരിട്ട ശേഷം താരം ഇതാദ്യമായിട്ടാവും ക്രിക്കറ്റ് കളിക്കുന്നത്. നെറ്റ്സിലെ പരിശീലനവും മറ്റു വ്യായാമങ്ങളും താന്‍ ചെയ്യുന്നുണ്ടായിരുന്നുവെങ്കിലും മത്സരത്തിന്റെ ശരിയായ ചൂട് അറിയാന്‍ പറ്റാത്തതിന്റെ വിഷമം താരം പങ്കുവെച്ചു.

Advertisement