കന്നി കരീബിയന്‍ പ്രീമിയര്‍ ലീഗ് കളിക്കുവാന്‍ അമീര്‍ എത്തുന്നു, കളിക്കുക ബാര്‍ബഡോസിന് വേണ്ടി

- Advertisement -

തന്റെ അരങ്ങേറ്റ കരീബിയന്‍ പ്രീമിയര്‍ ലീഗ് കളിക്കുവാനായി മുന്‍ പാക്കിസ്ഥാന്‍ താരം മുഹമ്മദ് അമീര്‍ എത്തുന്നു. ബാര്‍ബഡോസ് ട്രിഡന്റ്സിന് വേണ്ടിയാണ് താരം കളിക്കുവാനെത്തുന്നത്. ഓഗസ്റ്റ് മാസത്തില്‍ സെയിന്റ് കിറ്റ്സ് & നെവിസില്‍ ആണ് ടൂര്‍ണ്ണമെന്റ് നടക്കുക. കഴിഞ്ഞ ഡിസംബറില്‍ പാക്കിസ്ഥാന്‍ മാനേജ്മെന്റുമായി തെറ്റി പിരിഞ്ഞ് അന്താരാഷ്ട്ര ക്രിക്കറ്റില്‍ നിന്ന് വിരമിക്കുകയാണെന്ന് താരം പ്രഖ്യാപിച്ചിരുന്നു.

എന്നാല്‍ പിന്നീട് ഈ മാനേജ്മെന്റ് മാറുകയാണെങ്കില്‍ മടങ്ങി വരവിന് താന്‍ തയ്യാറാണെന്ന് നിലയിലേക്ക് താരം നിലപാട് മാറ്റിയിരുന്നു.

 

Advertisement