രോഹിത് ടെസ്റ്റ് ക്രിക്കറ്റില്‍ ശോഭിക്കാതിരിക്കുവാന്‍ യാതൊരു കാരണവുമില്ല

രോഹിത് ശര്‍മ്മ ടെസ്റ്റ് ക്രിക്കറ്റില്‍ ശോഭിയ്ക്കാതിരിക്കുവാനുള്ള ഒരു കാരണവും കാണുന്നില്ലെന്ന് ഇന്ത്യയുടെ ബാറ്റിംഗ് കോച്ച് വിക്രം റാഥോര്‍. താരം ഏത് ഫോര്‍മാറ്റിലാണേലും ടീമിലേക്ക് പരിഗണിക്കപ്പെടേണ്ട താരമെന്നാണ് തന്റെ വിശ്വാസം. അത് ടീമിലെ ഓരോ താരങ്ങള്‍ക്കും ഇതേ അഭിപ്രായമാണ്. ഏകദിനത്തില്‍ ഓപ്പണിംഗില്‍ ഇന്നുള്ളതില്‍ ഏറ്റവും മികച്ച താരമാണ് രോഹിത് ശര്‍മ്മ. അത്രയും മികവ് പുലര്‍ത്തുന്ന താരം ടെസ്റ്റ് മാച്ചില്‍ വിജയം കൈവരിക്കാതിരിക്കുവാന്‍ ഒരു കാരണവും താന്‍ കാണുന്നില്ലെന്നും വിക്രം പറഞ്ഞു.

രോഹിത്തിന് തന്റെ ഗെയിം പ്ലാന്‍ ശരിയാക്കുവാന്‍ പറ്റിയാല്‍ താരം ഇന്ത്യന്‍ ടെസ്റ്റ് സ്ക്വാഡിനു വലിയ മുതല്‍ക്കൂട്ടാവുമെന്നും റാഥോര്‍ പറഞ്ഞു. പുതുതായി ഇന്ത്യന്‍ കോച്ചായി എത്തിയ റാഥോര്‍ ഇതുവരെയുള്ള തന്റെ ടീമുമായുള്ള ചര്‍ച്ചകളും ആശയവിനിമയങ്ങളും മികച്ച രീതിയിലാണ് പോകുന്നതെന്നും ടീമിന്റെ സെറ്റപ്പുമായി താന്‍ അടുത്ത് തന്നെ ഇഴകിചേര്‍ന്ന് പ്രവര്‍ത്തിക്കുമെന്നും വ്യക്തമാക്കി.