ഇംഗ്ലണ്ടിനെതിരെയുള്ള അടുത്ത ടെസ്റ്റില്‍ താന്‍ കളിക്കുമെന്ന് വിശ്വാസം പ്രകടിപ്പിച്ച് ഇന്ത്യന്‍ നായകന്‍ വിരാട് കോഹ്‍ലി. പുറം വേദന കാരണം മൂന്നാം ദിവസത്തിന്റെ അവസാനവും നാലാം ദിവസത്തിന്റെ ആദ്യ മണിക്കൂറുകളിലും താരം കളത്തിലിറങ്ങാതെ വിട്ടു നിന്നിരുന്നു. ഇതിനെത്തുടര്‍ന്ന് വിരാട് കോഹ്‍ലി അടുത്ത ടെസ്റ്റില്‍ കളിക്കില്ല എന്ന തരത്തിലുള്ള വാര്‍ത്തകള്‍ പരന്നിരുന്നു. തന്റെ പതിവ് നാലാം നമ്പറില്‍ കോഹ്‍ലി ബാറ്റിംഗിനിറങ്ങായിതിരുന്നതും അഭ്യൂഹങ്ങള്‍ക്ക് ശക്തി പകര്‍ന്നു.
എന്നാല്‍ ഇപ്പോള്‍ കോഹ്‍ലി തന്നെ പറയുന്നത്. താന്‍ 100% ഫിറ്റല്ലെങ്കിലും മൂന്നാം ടെസ്റ്റില്‍ കളിക്കുമെന്നാണ്. വിക്കറ്റിനിടയിലെ ഓട്ടത്തിനെയും ഫീല്‍ഡിംഗിലും ഇത് ബാധിക്കുമെങ്കിലും ട്രെന്റ് ബ്രിഡ്ജില്‍ ഇംഗ്ലണ്ടിനെ നേരിടാന്‍ താനുണ്ടാകുമെന്നാണ് കോഹ്‍ലി അഭിപ്രായപ്പെട്ടത്. ഇനിയും അഞ്ച് ദിവസമുണ്ടെന്നത് തനിക്ക് ഇപ്പോളത്തെ നിലയില്‍ നിന്ന് ഭേദം പ്രാപിക്കുവാന്‍ സഹായകരമാകുമെന്നാണ് കോഹ്‍ലി പറഞ്ഞത്.
കൂടുതൽ കായിക വാർത്തകൾക്ക് : www.facebook.com/FanportOfficial
