പൊരുതി നോക്കി ക്രിസ് മോറിസ്, ദക്ഷിണാഫ്രിക്കയെ പിടിച്ചുകെട്ടി അമീറും ഷദബ് ഖാനും

- Advertisement -

ദക്ഷിണാഫ്രിക്കയ്ക്കെതിരെ 27 റണ്‍സ് വിജയം സ്വന്തമാക്കി പാക്കിസ്ഥാന്‍. 169 റണ്‍സ് വിജയ ലക്ഷ്യം തേടിയിറങ്ങിയ ആതിഥേയരെ 141/9 എന്ന നിലയില്‍ ചെറുത്ത് നിര്‍ത്തിയാണ് പാക്കിസ്ഥാന്‍ ടി20 പരമ്പരയിലെ ആശ്വാസ വിജയം കണ്ടെത്തിയത്.

ക്രിസ് മോറിസ് 29 പന്തില്‍ 55 റണ്‍സ് നേടി പുറത്താകാതെ പൊരുതിയെങ്കിലും മുഹമ്മദ് അമീറും ഷദബ് ഖാനും വീഴ്ത്തിയ വിക്കറ്റുകള്‍ ദക്ഷിണാഫ്രിക്കയുടെ ബാറ്റിംഗിന്റെ താളം തെറ്റിയ്ക്കുകയായിരുന്നു. 55 റണ്‍സ് നേടിയ മോറിസ് ടീമിന്റെ ടോപ് സ്കോറര്‍ ആയപ്പോള്‍ റാസി വാന്‍ ഡെര്‍ ഡൂസ്സെന്‍ 41 റണ്‍സ് നേടി പുറത്തായി.

പാക്കിസ്ഥാനു വേണ്ടി മുഹമ്മദ് അമീര്‍ മൂന്നും ഷദബ് ഖാനും ഫഹീം അഷ്റഫും രണ്ടും വിക്കറ്റാണ് നേടിയത്.

Advertisement