ഇംഗ്ലണ്ടിനെതിരെയുള്ള ഏകദിന ടീമില്‍ ഇടം പിടിച്ച് വിന്‍ഡീസ് താരങ്ങളായ ക്രിസ് ഗെയിലും നിക്കോളസ് പൂരനും. പൂരനു ഇത് ആദ്യമായാണ് ഏകദിന ക്രിക്കറ്റ് ടീമിലേക്ക് പൂരനു വിളിയെത്തുന്നത്. ടെസ്റ്റ് പരമ്പര വിജയിച്ച് നില്‍ക്കുന്ന വിന്‍ഡീസ് ഏകദിനത്തിലും പിടിമുറുക്കാനാകുമെന്ന പ്രതീക്ഷയിലാണ്. ആദ്യ രണ്ട് ഏകദിനങ്ങള്‍ക്കുള്ള 14 അംഗ സംഘത്തെയാണ് വിന്‍ഡീസ് പ്രഖ്യാപിച്ചിരിക്കുന്നത്.
ഏറെ നാള്‍ കൂടിയാണ് താരം വിന്‍ഡീസ് ദേശീയ ടീമിലേക്ക് മടങ്ങിയെത്തുന്നത്. ഏട്ട് ടി20 മത്സരങ്ങള്‍ വിന്‍ഡീസിനായി കളിച്ചിട്ടുള്ള താരമാണ് നിക്കോളസ് പൂരന്‍. ലോകകപ്പിനുള്ള തയ്യാറെടുപ്പായാണ് ഈ പരമ്പരയെ കാണുന്നതെന്നാണ് വിന്‍ഡീസ് സെലക്ടര്‍മാരുടെ ചെയര്‍മാന്‍ പറയുന്നത്. അതേ സമയം പരിചയ സമ്പന്നനായ താരം മര്‍ലന്‍ സാമുവല്‍സ് പരിക്ക് മൂലം പരമ്പരയില്‍ കളിയ്ക്കില്ല.
വിന്‍ഡീസ്: ജേസണ്‍ ഹോള്‍ഡര്‍, ക്രിസ് ഗെയില്‍, ഫാബിയന്‍ അല്ലെന്‍, ദേവേന്ദ്ര ബിഷൂ, ഡാരെന്‍ ബ്രാവോ, ഷിമ്രണ്‍ ഹെറ്റ്മ്യര്‍, ഷായി ഹോപ്, എവിന്‍ ലൂയിസ്, ആഷ്‍ലി നഴ്സ്, കീമോ പോള്‍, നിക്കോളസ് പൂരന്‍, കെമര്‍ റോച്ച്, ഒഷെയ്‍ന്‍ തോമസ്
