ഇന്ത്യയുടെ ജസ്പ്രീത് ബുംറയും മുഹമ്മദ് ഷമിയും ലോകോത്തരമായ ബൗളിംഗ് കൂട്ടുകെട്ടാണെന്ന് പറഞ്ഞ് ഓസ്ട്രേലിയന്‍ കോച്ച് ജസ്റ്റിന്‍ ലാംഗര്‍. ഇരുവര്‍ക്കും കഴിവിനെ ഓസ്ട്രേലിയ മതിയ്ക്കുന്നുണ്ടെന്നും ലാംഗര്‍ പറഞ്ഞു. എന്നാല്‍ ഇരുവരെയും കളിച്ച് പരിചയം ഓസ്ട്രേലിയയ്ക്ക് ഉണ്ടെന്നത് അവരെ നേരിടുമ്പോള്‍ ടീമിന് ഗുണം ചെയ്യുമെന്ന് ലാംഗര്‍ അഭിപ്രായപ്പെട്ടു.
കഴിഞ്ഞ കുറച്ച് വര്‍ഷമായി 14 ഏകദിനങ്ങളില്‍ ഇരു ടീമുകളും ഏറ്റുമുട്ടിയപ്പോള്‍ ഏഴ് വീതം മത്സരങ്ങള്‍ ടീമുകള്‍ ജയിച്ചിട്ടുണ്ടെന്നും അതിനാല്‍ തന്നെ താരങ്ങള്‍ക്കെല്ലാം പരസ്പരം കളിച്ച് പരിചയമുള്ളതാണെന്നും ലാംഗര്‍ സൂചിപ്പിച്ചു.
ഇന്ത്യയുടെ ഈ പേസ് ബൗളിംഗ് കൂട്ടുകെട്ടിനെയും സ്പിന്നര്‍മാരെയും മറ്റു ബൗളര്‍മാരെയും എല്ലാം ബഹുമാനത്തോടെയാണ് ഓസ്ട്രേലിയ കാണുന്നതെന്നും ലാംഗര്‍ പറഞ്ഞു.
