ഓസ്ട്രേലിയയും ഇന്ത്യയും തമ്മിലുള്ള ബ്രിസ്ബെയിന്‍ ടെസ്റ്റ് അവസാന മണിക്കൂറുകളിലേക്ക് കടക്കുമ്പോള്‍ മത്സരം ആവേശകരമായ നിലയില്‍ മുന്നേറുന്നു. മത്സരത്തില്‍ 20 ഓവറുകള്‍ മാത്രം അവശേഷിക്കെ ഇന്ത്യയ്ക്ക് വിജയത്തിനായി 100 റണ്‍സാണ് നേടേണ്ടത്. ഓസ്ട്രേലിയ വിജയത്തിനായി 7 വിക്കറ്റുകളാണ് നേടേണ്ടത്.
80 ഓവറുകള്‍ പിന്നിടുമ്പോള്‍ ഇന്ത്യ ഗാബയില്‍ തങ്ങളുടെ രണ്ടാം ഇന്നിംഗ്സില്‍ 228/3 എന്ന നിലയിലാണ്. 61 റണ്‍സ് കൂട്ടുകെട്ടുമായി ചേതേശ്വര്‍ പുജാരയും ഋഷഭ് പന്തുമാണ് ക്രീസില്‍ നില്‍ക്കുന്നത്. പുജാര 56 റണ്‍സും പന്ത് 34 റണ്‍സും നേടിയിട്ടുണ്ട്.
