സിഡ്നി തണ്ടറിന്റെ ഏറ്റവും ഉയര്‍ന്ന റൺ സ്കോറര്‍ ആയ ഉസ്മാന്‍ ഖവാജ ക്ലബ് വിട്ടു. കുടുംബപരമായ കാരണങ്ങളാലാണ് താരത്തിന്റെ ഈ തീരുമാനം. താരം ബ്രിസ്ബെയിന്‍ ഹീറ്റുമായി 4 വര്‍ഷത്തെ കരാറിലെത്തിയിട്ടുണ്ട്.
ക്യൂന്‍സ്‍ലാന്‍ഡിലേക്ക് താരം മടങ്ങിയെത്തുമ്പോള്‍ തന്റെ നാട്ടിലേക്ക് മടങ്ങിയെത്തുന്നു എന്നതാണ് പ്രധാനം. വളരെ എളുപ്പമുള്ള തീരുമാനം ആയിരുന്നില്ല ഇതെന്നും എന്നാൽ കുടുംബത്തോടൊപ്പം ചെലവഴിക്കുവാനും അവരുടെ മുന്നിൽ കളിക്കാനിറങ്ങുന്നതും സന്തോഷപ്രധാനമായ കാര്യമാണെന്നും ഖവാജ വ്യക്തമാക്കി.
