വീണ്ടും ഒരു വിദേശ സൈനിംഗുമായി ചെന്നൈയിൻ എഫ്സി. ഇറാനിയൻ പ്രതിരോധ താരം വഫ ഹഖമനേഷിയാണ് ചെന്നൈയിലേക്ക് എത്തിയത്. 2022-23 സീസണിനായി 11 താരങ്ങളെ എത്തിച്ച് ഐഎസ്എല്ലിനെ ഞെട്ടിച്ചിരുന്നു ചെന്നൈയിൻ എഫ്സി. ഫ്ലൊറന്റൈൻ പോഗ്ബയും ഫാലോ ഡിയാഗ്നെയും അടക്കം സൂപ്പർ താരങ്ങൾ ടീമിലെത്തി.
എഎഫ്സി ചാമ്പ്യൻസ് ലീഗ് കളിച്ച തായ് ക്ലബ്ബായ രാചബുരു മിത്ര്ൽ നിന്നുമാണ് വഫ ഇന്ത്യയിലേക്ക് എത്തുന്നത്. ആറരയടിക്കാരനായ പ്രതിരോധ താരത്തിന് ഐഎസ്എല്ലിൽ മികച്ച പ്രകടനം നടത്താനാകുമെന്നാണ് ചെന്നൈയിന്റെ പ്രതീക്ഷ. ഇറാനിലെ ഒന്നാം ഡിവിഷനായ പേർഷ്യൻ ഗൾഫ് പ്രോ ലീഗിൽ നിരവധി ടീമുകൾക്ക് വേണ്ടി വഫ ബൂട്ടണിഞ്ഞിട്ടുണ്ട്.
