പെര്‍ത്ത് സ്കോര്‍ച്ചേഴ്സുമായി 2020-21 സീസണിലേക്ക് കരാറിലെത്തി ഇംഗ്ലണ്ട് താരവും മുന്‍ രാജസ്ഥാന്‍ റോയല്‍സ് താരവുമായ ലിയാം ലിവിംഗ്സ്റ്റണ്‍. പെര്‍ത്തില്‍ കഴിഞ്ഞ സീസണില്‍ മികച്ച പ്രകടനം പുറത്തെടുത്ത താരം ഈ വര്‍ഷവും കരാര്‍ പുതുക്കുകയായിരുന്നു. 425 റണ്‍സാണ് കഴിഞ്ഞ സീസണില്‍ താരം നേടിയത്.
ജോഷ് ഇംഗ്ലിസുമായി താരം മികച്ച ഒന്നാം വിക്കറ്റ് കൂട്ടുകെട്ടാണ് നേടിയത്. മൂന്ന് ശതക കൂട്ടുകെട്ടാണ് ഇരുവരും ചേര്‍ന്ന് നേടിയത്. പെര്‍ത്തില്‍ വീണ്ടും കളിക്കുവാനെത്തുന്നതില്‍ തനിക്ക് ഏറെ സന്തോഷമുണ്ടെന്ന് ലിയാം വ്യക്തമാക്കി.
താരത്തിന്റെ ഓള്‍റൗണ്ട് സേവനം പെര്‍ത്തിന് വലിയ ഗുണം ചെയ്യുമെന്നാണ് പെര്‍ത്ത് സ്കോര്‍ച്ചേഴ്സ് കോച്ച് ആഡം വോഗ്സ് വ്യക്തമാക്കിയത്.
