ബിഗ് ബാഷില്‍ നിന്ന് വിട്ട് നില്‍ക്കുകയാണെന്ന് അറിയിച്ച ഇംഗ്ലണ്ട് താരം ടോ കറന് പകരം താരത്തെ കണ്ടെത്തി സിഡ്നി സിക്സേഴ്സ്. നോട്ടിംഗാഷയര്‍ പേസര്‍ ജേക്ക് ബോള്‍ ആണ് ടോം കറന്റെ പകരക്കാരനായി സിഡ്നി സിക്സേഴ്സ് കണ്ടെത്തിയിരിക്കുന്നത്. ഓസ്ട്രേലിയയില്‍ എത്തി 14 ദിവസത്തെ ക്വാറന്റൈന് ശേഷം താരം മറ്റു ടീമംഗങ്ങള്‍ക്കൊപ്പം ചേരുമെന്നാണ് അറിയുന്നത്.
ഇപ്പോള്‍ താരം ദക്ഷിണാഫ്രിക്കയില്‍ ഇംഗ്ലണ്ട് സ്ക്വാഡിനൊപ്പമാണ്. താരത്തെ റിസര്‍വ് താരമായാണ് ഇംഗ്ലണ്ട് പ്രഖ്യാപിച്ചിരുന്നത്. ഇതാദ്യമായാണ് താരം ഒരു വിദേശ ടി20 ലീഗില്‍ കളിക്കുന്നത്. നോട്ടിംഗാഷയറില്‍ തന്റെ ക്യാപ്റ്റനായ ഡാനിയേല്‍ ക്രിസ്റ്റ്യനൊപ്പം കളിക്കുവാനുള്ള അവസരവും ജേക്ക് ബോളിന് ലഭിയ്ക്കുന്നുണ്ട്.
