“ബിഗ് വിന്നര്‍”!!! സമ്മര്‍ദ്ദത്തിലെ ചാമ്പ്യനാണ് ബെന്‍ സ്റ്റോക്സ് – സ്റ്റീഫന്‍ ഫ്ലെമിംഗ്

സമ്മര്‍ദ്ദ മത്സരങ്ങളിലെ ചാമ്പ്യന്‍ പ്രകടനം പുറത്തെടുക്കുന്ന താരമാണ് ബെന്‍ സ്റ്റോക്സ് എന്ന് പറഞ്ഞ് സ്റ്റീഫന്‍ ഫ്ലെമിംഗ്. ടി20 ലോകകപ്പിൽ പുറത്താകാതെ 52 റൺസ് നേടി വിജയം കുറിക്കുവാന്‍ ഇംഗ്ലണ്ടിനെ സഹായിച്ചത് ബെന്‍ സ്റ്റോക്സ് ആയിരുന്നു.

ബിഗ് വിന്നര്‍ എന്നാണ് ഫ്ലെമിംഗ് ഇംഗ്ലണ്ട് ഓള്‍റൗണ്ടറെ അഭിസംബോധന ചെയ്തത്. താരം ഒരു വലിയ സാന്നിദ്ധ്യമാണ്, വലിയ പേഴ്സണാലിറ്റിയാണ്, വലിയ വിന്നര്‍ ആണെന്ന് ഫ്ലെമിംഗ് പറഞ്ഞു.

ഷഹീന്‍ അഫ്രീദിയും ഹാരിസ് റൗഫും ഇംഗ്ലണ്ടിനെ വരുതിയിൽ നിര്‍ത്തിയെങ്കിലും സ്റ്റോക്സ് നങ്കൂരമിട്ട് ഇംഗ്ലണ്ടിനെ രണ്ടാം ടി20 കിരീടത്തിലേക്ക് നയിക്കുകയായിരുന്നു.