തീപ്പൊരി ചിതറിച്ച് ലിറ്റണ്‍ ദാസും വാര്‍ണറും, സില്‍ഹെറ്റ് സിക്സേര്‍സിനു ജയം

രംഗ്പൂര്‍ റൈഡേഴ്സിനെതിരെ 27 റണ്‍സ് ജയം സ്വന്തമാക്കി സില്‍ഹെറ്റ് സിക്സേര്‍സ്. ലിറ്റണ്‍ ദാസ്(70), ഡേവിഡ് വാര്‍ണര്‍(61*) എന്നിവരുടെ തീപ്പൊരി ബാറ്റിംഗിന്റെ മികവില്‍ സില്‍ഹെറ്റ് ആദ്യം ബാറ്റ് ചെയ്ത് 187/5 എന്ന മകിച്ച സ്കോര്‍ നേടുകയായിരുന്നു. സബ്ബിര്‍ റഹ്മാന്‍ 20 റണ്‍സും നിക്കോളസ് പൂരന്‍ 26 റണ്‍സും നേടിയപ്പോള്‍ റൈഡേഴ്സിനു വേണ്ടി ഷൈഫുള്‍ ഇസ്ലാം മൂന്ന് വിക്കറ്റ് നേടി.

മറുപടി ബാറ്റിംഗിനായി ഇറങ്ങിയ റൈഡേഴ്സിനു ഗെയില്‍ അടക്കമുള്ള ടോപ് ഓര്‍ഡര്‍ താരങ്ങളെ കുറഞ്ഞ സ്കോറിനു നഷ്ടമായത് തിരിച്ചടിയായി. റിലീ റൂസോവ്(58), മുഹമ്മദ് മിഥുന്‍(35), മഷ്റഫെ മൊര്‍തസ(33*) എന്നിവര്‍ പൊരുതി നോക്കിയെങ്കിലും 20 ഓവറില്‍ നിന്ന് 160 എന്ന സ്കോര്‍ മാത്രം നേടുവാനെ രംഗ്പൂര്‍ റൈഡേഴ്സിനു സാധിച്ചുള്ളു. മെഹ്ദി ഹസന്‍ റാണ, ടാസ്കിന്‍ അഹമ്മദ് എന്നിവര്‍ രണ്ട് വീതം വിക്കറ്റുമായി സിക്സേര്‍സിനു വേണ്ടി തിളങ്ങി.