primus mobile
primus mobile

7 വിക്കറ്റ് ജയത്തിലേക്ക് നയിച്ച് ലിറ്റണ്‍ ദാസും ഇമ്രുല്‍ കൈസും

ബംഗ്ലാദേശിനെ ഏഴ് വിക്കറ്റ് വിജയത്തിലേക്ക് നയിച്ച് ലിറ്റണ്‍ ദാസും ഇമ്രുല്‍ കൈസും. ഒന്നാം വിക്കറ്റില്‍ 148 റണ്‍സ് നേടി മികച്ച അടിത്തറ നല്‍കിയ ഓപ്പണിംഗ് കൂട്ടുകെട്ട് ബംഗ്ലാദേശിനെ 3 വിക്കറ്റുകളുടെ നഷ്ടത്തില്‍ 44.1 ഓവറില്‍ വിജയം നേടുവാന്‍ സഹായിക്കുകയായിരുന്നു. 90 റണ്‍സ് നേടി ഇമ്രുല്‍ കൈസ് ടോപ് സ്കോറര്‍ ആയപ്പോള്‍ ലിറ്റണ്‍ ദാസ് 77 പന്തില്‍ നിന്ന് 83 റണ്‍സ് നേടുകയായിരുന്നു. ജയത്തോടെ പരമ്പര ബംഗ്ലാദേശ് 2-0നു സ്വന്തമാക്കി.

മുഷ്ഫിക്കുര്‍ റഹിം(40*)-മഹമ്മദുള്ള(24*) എന്നിവരാണ് ടീമിന്റെ വിജയ സമയത്ത് ക്രീസിലുണ്ടായിരുന്നത്. സിംബാബ്‍വേയ്ക്കായി മൂന്ന് വിക്കറ്റുകളും വീഴ്ത്തിയത് സിക്കന്ദര്‍ റാസയാണ്. മുഹമ്മദ് സൈഫുദ്ദീനാണ് കളിയിലെ താരം.