ബംഗ്ലാദേശിന് ബാറ്റിംഗ് തകർച്ച, 192 റൺസിന് ഓള്‍ഔട്ട്

അഫ്ഗാനിസ്ഥാനെതിരെ മൂന്നാം ഏകദിനത്തിൽ ബാറ്റിംഗ് തിരഞ്ഞെടുത്ത ബംഗ്ലാദേശിന് ബാറ്റിംഗ് തകര്‍ച്ച. ആദ്യം ബാറ്റ് ചെയ്ത ടീം 192 റൺസിന് ഓള്‍ഔട്ട് ആകുകയായിരുന്നു. 86 റൺസ് നേടിയ ലിറ്റൺ ദാസ് ആണ് ബംഗ്ലാദേശ് സ്കോറിന് മാന്യത പകര്‍ന്നത്. 46.5 ഓവറാണ് ബംഗ്ലാദേശ് ഇന്നിംഗ്സ് നീണ്ടത്.

Afghanistanrashidkhan

ഒരു ഘട്ടത്തിൽ 121/2 എന്ന നിലയിലായിരുന്ന ബംഗ്ലാദേശിന്റെ പതനം പൊടുന്നനെയായിരുന്നു. ഷാക്കിബ് 30  റൺസും മഹമ്മുദുള്ള 29 റൺസും നേടി. മഹമ്മുദുള്ള പുറത്താകാതെ നിന്നു. അഫ്ഗാനിസ്ഥാനായി റഷീദ് ഖാന്‍ മൂന്നും മുഹമ്മദ് നബി രണ്ടും വിക്കറ്റ് നേടി.