ടി20 ബ്ലാസ്റ്റിലേക്ക് ബാബര്‍ അസം, താരം കളിക്കുക സോമര്‍സെറ്റിനായി

- Advertisement -

ഈ വര്‍ഷം ടി20 ബ്ലാസ്റ്റ് കളിക്കുവാന്‍ ബാബര്‍ അസം വീണ്ടും മടങ്ങിയെത്തും. താരം സോമര്‍സെറ്റിനായി കളിക്കുവാന്‍ വേണ്ടിയാവും തിരികെ എത്തുന്നത്. സെപ്റ്റംബര്‍ 2 മുതല്‍ ആവും ബാബര്‍ ടീമിനൊപ്പം ചേരുക. ഇപ്പോള്‍ ഇംഗ്ലണ്ട് പര്യടനത്തിലുള്ള പാക്കിസ്ഥാന്‍ ടീമിലെ അംഗമാണ് പരിമിത ഓവര്‍ ടീം നായകന്‍ കൂടിയായ ബാബര്‍ അസം.

ഒക്ടോബര്‍ 4 വരെ താരം ടി20 ബ്ലാസ്റ്റില്‍ കളിക്കും. ടീമിനായി ലീഗിലെ അവസാന ഏഴ് മത്സരങ്ങള്‍ക്കും ടീം നോക്കൗട്ട് ഘട്ടത്തിലേക്ക് കടക്കുകയാണെങ്കില്‍ അവയില്‍ കളിക്കുവാനും ബാബര്‍ അസം ഉണ്ടാകും. കഴിഞ്ഞ വര്‍ഷം സോമര്‍സെറ്റിനായി കളിച്ച് 578 റണ്‍സാണ് താരം നേടിയത്.

Advertisement