അസ്ഹര്‍ അലി സോമര്‍സെറ്റിലേക്ക് മടങ്ങും

- Advertisement -

അസ്ഹര്‍ അലി സോമര്‍സെറ്റിലേക്ക് മടങ്ങുമെന്ന് അറിയിച്ച് കൗണ്ടി ടീം. 2019ല്‍ ടീമിനായി കൗണ്ടി ചാമ്പ്യന്‍ഷിപ്പിലും വണ്‍-ഡേ കപ്പിലും താരം കളിക്കുമെന്നാണ് അറിയുന്നത്. കഴിഞ്ഞ സീസണില്‍ ഏഴ് കൗണ്ടി മത്സരങ്ങളില്‍ നിന്ന് താരം 400ലധികം റണ്‍സ് നേടിയിരുന്നു. ഏകദിനങ്ങളില്‍ നിന്നും ടി20യില്‍ നിന്നും താരം അടുത്തിടെയാണ് വിരമിക്കല്‍ തീരുമാനം പ്രഖ്യാപിച്ചത്. അതിനാല്‍ തന്നെ ലോകകപ്പ് താരം കളിക്കില്ലെന്നുള്ളതിനാല്‍ കൂടുതല്‍ മത്സരങ്ങളില്‍ കൗണ്ടിയ്ക്ക് വേണ്ടി കളിയ്ക്കാനാകും.

സോമര്‍സെറ്റിലെ സമയം താന്‍ ഏറെ ആസ്വദിച്ചിരുന്നുവെന്നും തിരിച്ചെത്തുന്നതില്‍ ഏറെ സന്തോഷമുണ്ടെന്നും താരം അറിയിച്ചു. ‍‍‍ഡ്രെസ്സിംഗ് റൂമില്‍ താരങ്ങളുമായി മികച്ച ബന്ധമാണുള്ളതെന്നും അസ്ഹര്‍ അലി അഭിപ്രായപ്പെട്ടു.

Advertisement