ഇന്ത്യയും ഈ പിച്ചിലോ ബാറ്റ് ചെയ്തത്, ഖവാജയ്ക്ക് അര്ദ്ധ ശതകം
ഇന്ത്യന് ബാറ്റിംഗ് വെള്ളം കുടിച്ച പിച്ചിൽ അനായാസം ബാറ്റ് വീശി ഓസ്ട്രേലിയ. മത്സരത്തിൽ ഇന്ത്യയുടെ സ്കോറായ 109 റൺസിനൊപ്പം 36 ഓവറിൽ എത്തുവാന് ഓസ്ട്രേലിയയ്ക്ക് സാധിച്ചു. രണ്ട് വിക്കറ്റാണ് ടീമിന് നഷ്ടമായത്.
ട്രാവിസ് ഹെഡിനെ തുടക്കത്തിൽ തന്നെ നഷ്ടമായ ശേഷം ഉസ്മാന് ഖവാജ – മാര്നസ് ലാബൂഷാനെ കൂട്ടുകെട്ട് 96 റൺസ് രണ്ടാം വിക്കറ്റിൽ നേടിയാണ് ഓസ്ട്രേലിയയെ മുന്നോട്ട് നയിച്ചത്.
ഹെഡിനെയും 31 റൺസ് നേടിയ ലാബൂഷാനെയെയും രവീന്ദ്ര ജഡേജയാണ് പുറത്താക്കിയത്. 53 റൺസാണ് ഖവാജ നേടിയത്.