അന്താരാഷ്ട്ര ക്രിക്കറ്റിൽ 700 വിക്കറ്റ് നേടുന്ന മൂന്നാമത്തെ ഇന്ത്യൻ ബൗളറായി അശ്വിൻ മാറി. വെസ്റ്റ് ഇൻഡീസിനെതിരായ ഇന്ത്യയുടെ ആദ്യ ടെസ്റ്റിന്റെ ഒന്നാം ദിനത്തിലാണ് അശ്വിൻ ഈ നേട്ടം കൈവരിച്ചത്. ഇന്ത്യൻ ടീമിന് വേണ്ടിയുള്ള തന്റെ 271-ാം മത്സരത്തിൽ ആണ് 700 വിക്കറ്റിലേക്ക് അശ്വിൻ എത്തിയത്. അൽസാരി ജോസഫിംറ്റെ വിക്കറ്റാണ് അശ്വിന്റെ എഴുന്നാറാം വിക്കറ്റായത്.
ഈ വിക്കറ്റോടെ അശ്വിൻ, ഹർഭജൻ സിംഗ്, അനിൽ കുംബ്ലെ എന്നിവർക്കൊപ്പം അന്താരാഷ്ട്ര ക്രിക്കറ്റിൽ 700 വിക്കറ്റ് നേടിയ മൂന്നാം ഇന്ത്യൻ ബൗളർമാരായി. ഹർഭജന്റെ 707 എന്ന വിക്കറ്റ് നേട്ടത്തെ മറികടക്കുന്നതിന് അടുത്താണ് അശ്വിൻ ഇപ്പോൾ. 401 മത്സരങ്ങളിൽ നിന്ന് 953 വിക്കറ്റ് എടുത്ത കുംബ്ലെ ആണ് ഇന്ത്യക്കായി ഏറ്റവും കൂടുതൽ വിക്കറ്റ് എടുത്ത താരം.
