ഓസ്ട്രേലിയയുടെ 416 റൺസിന്റെ ഒന്നാം ഇന്നിംഗ്സിന് ശേഷം ബാറ്റിംഗിനിറങ്ങിയ ഇംഗ്ലണ്ട് രണ്ടാം ദിവസം 278/4 എന്ന നിലയിൽ അവസാനിപ്പിച്ചുവെങ്കിലും മൂന്നാം ദിവസത്തെ ആദ്യ ഓവറിൽ തന്നെ ബെന്‍ സ്റ്റോക്സിനെ നഷ്ടം. തലേ ദിവസത്തെ സ്കോറിനോട് ഒരു റൺസ് കൂട്ടിചേര്‍ത്തതിന് ശേഷമാണ് സ്റ്റോക്ക്സിനെ ഇംഗ്ലണ്ടിന് നഷ്ടമായത്.
ഇന്നത്തെ രണ്ടാം പന്തില്‍ മിച്ചൽ സ്റ്റാര്‍ക്ക് ആണ് 17 റൺസ് നേടിയ ഇംഗ്ലണ്ട് നായകനെ പുറത്താക്കിയത്. സ്റ്റാര്‍ക്കിന്റെ മത്സരത്തിലെ രണ്ടാം വിക്കറ്റാണ് ഇത്. 63 ഓവറിൽ 284/5 എന്ന നിലയിലാണ് ഇംഗ്ലണ്ട് അവസാനം റിപ്പോര്‍ട്ട് കിട്ടുമ്പോള്‍.
