എഡ്ജ്ബാസ്റ്റണിലെ ആഷസ് ഒന്നാം ടെസ്റ്റിന്റെ ഒന്നാം ദിവസം 393/8 എന്ന നിലയിൽ ഡിക്ലയര്‍ ചെയ്ത് ഇംഗ്ലണ്ട്. ജോ റൂട്ട് നേടിയ ശതകത്തിന്റെ മികവിലാണ് ഇംഗ്ലണ്ട് മികച്ച സ്കോര്‍ നേടിയത്. 4 വിക്കറ്റുമായി നഥാന്‍ ലയൺ ഓസീസ് ബൗളിംഗിൽ തിളങ്ങിയപ്പോള്‍ ഒന്നാം ദിവസം 12 ഓവറുകള്‍ അവശേഷിക്കെയാണ് ഇംഗ്ലണ്ട് ഡിക്ലയര്‍ ചെയ്തത്.
118 റൺസുമായി ജോ റൂട്ട് പുറത്താകാതെ നിന്നപ്പോള്‍ സാക്ക് ക്രോളി(61), ജോണി ബൈര്‍സ്റ്റോ(78) എന്നിവരാണ് ഇംഗ്ലണ്ടിന്റെ പ്രധാന സ്കോറര്‍മാര്‍.
4 ഓവറിൽ 14 റൺസുമായി ഓസ്ട്രേലിയ ഒന്നാം ദിവസം വിക്കറ്റ് നഷ്ടമില്ലാതെ അവസാനിപ്പിച്ചു.
